Ermuak ‘Gaztegunea’ irekiko du azaroaren hirugarren asteburuan

Ermuak laster 13 eta 17 urte bitarteko nerabeentzat, adin biak barne, aisialdirako gune berria irekiko du, eta baita aurten 13 urte betetzen dituzten gazteentzat ere. Zerbitzu berriak ‘Gaztegune’ izena izango du eta ‘Teresa Murga eraikineko hirugarren solairuan kokatuta egongo da, zehazki Liburutegiaren gainean, udal euskaltegi ohiaren lokaletan. Hezkuntza, Kultura, Gazteria eta Kirol Zerbitzuetako zuzendariak zerbitzuaren xehetasunak aurkeztu dizkio gaur Udalbatzari, Gai Orokorren eta Osoko Bilkurak aztertu beharrekoen Batzordean. Zerbitzua azaroaren 15-16ko asteburuan irekiko da.

Espazioak hainbat altzairu izango du (mahaiak, besaulkiak, pufak, apalak eta abar), eta jolas- eta aisialdi-elementuak: futbolina, ping ponga, diana eta dardoak, mahai-jokoak, aldizkariak, 86 hazbeteko telebista-pantaila, besteak beste.

Zerbitzua monitore batek dinamizatuko du, eta ordutegia honako hau izango da:

• Larunbatetan: 17:00etatik 21:00etara.
• Igandeetan: 17:00etatik 20:00etara.

Zerbitzua lanegunetan edo astegunetan ere irekiko da, jaiegunetan eta ezohiko aldietan, hala nola 2025eko Gabonetako oporretan. Lanegun berezi horietan ordutegia igandeetako berbera izango da, hau da, 17:00etatik 20:00etara.

Hasiera batean, irekierako lehen asteburuan, azaroaren 15ean eta 16an, ez da beharrezkoa izango zerbitzuan izena emanda egotea, baina bai zerbitzua martxan jarri ondorengo bigarren astetik aurrera. Interesa duten gazteek formulario bat bete beharko dute beren datuekin eta amaren, aitaren edo legezko tutorearen baimenarekin.