.eus domeinura erabateko jauzia egin du Udalak

Udalbatzarrak 2024an onartutako euskararen araudiaren harira eta Euskal Administrazio gehienak egin bezalaxe, .eus domeinura erabateko jauzia egin du Udalak; orain gutxi beste urrats bat gehiago eman eta erakunde osoko postontzi elektronikoak .eus domeinura aldatuz. Orain urte batzuk atzera eta webgunea berritu zuenean hasitako bide eta erabakiari jarraiki.

udalermua.net zaharrera idatziz gero, automatikoki ermua.eus berrira bideratuko da

Hortaz, udal arduradun eta langileon postontzi elektroniko guztiek @ermua.eus domeinua daramate. Aldaketa eraginkorra eta eragozpenik gabea izan dadin, n helbide zaharrera bidaltzen dizkiguten mezuak automatikoki berrira bideratuko zaizkigu epe luze batean, etenik eta galerarik izan ez dadin.

Euskarak arnas gunea behar du ekosistema digitalean, adituen esanetan horretan ez dauden hizkuntzak desagertu egingo baitira epe laburrean. Hortaz, domeinu-aldaketa honek euskararen sustapenerako hiru helburu lortzea ahalbidetuko du: Internet eta teknologia berrien eremuan presente egotea, euskararen kanpo-proiekzioa indartzea eta euskarak aurrera egin eta modernizazioan laguntzea.

Puntueus proiektua

Puntueus proiektua 2007an jaio zen, mundu osoan euskararen hizkuntza-normalizaziorako eta sustapenerako tresna eraginkor bat izateko helburuarekin eta harrez gero hazkunde sendoa izan du urtez urte.