‘Euskal Ilustrazioaren Lehen Eguna’

Gaur -azaroak 12-, lehen aldiz, Euskal Ilustrazioaren I. Eguna' ospatuko da, ilustratzaileen lana agerian jartzeko eta haien ekarpen kultural eta artistikoari balioa emateko helburuarekin sortutako jardunaldia. Udal liburutegiak bat egin du ekimenarekin.

Horregatik, mapa ilustratua sortu du, azaroaren 12tik 19ra bitartean ilustrazioaren munduarekin zerikusia duten jarduera guztiak biltzen dituen gida. Mapa honek lurraldea marrazkiaren, sortzaileen eta publikoaren arteko topagune bihurtzen du, sektorea ikuspegi askotatik ezagutzen hasteko aukera emanez.

Ermuko Liburutegiak, komikia dibulgaziorako eta memoriarako tresna gisa duen konpromisoari eutsiz, bat egiten du ospakizun honekin proposamen berezi batekin: irakurketa klubaren saio irekia, Kike Infame marrazkilariak gidatua, herriko historia komikira eramateko hainbat ekimenetan parte hartu duena, besteak beste, “Ermua binetetan” komiki-bilduman.

Saioa ‘Morirse en Bilbao' komikiari buruzkoa izango da, Kike Infamek ilustratu eta ‘Sujeto Verde'-k idatzitakoa, bigarren hori topaketan ere parte hartuko du. Aukera paregabea izango da bi egileekin hitz egiteko sormen-prozesuari buruz, ilustrazioak narratiba grafikoan duen zereginari buruz eta komikiaren eta hiri-ingurunearen arteko loturari buruz.

Hitzordua azaroaren 18an izango da, 19:00etan, Lobiano Kulturguneko Ikus-entzunezkoen Aretoan. Sarrera librea da lekuak bete arte. Saioa baino lehen ‘Morirse en Bilbao’ komikia irakurri nahi dutenek ale bat jaso dezakete maileguan liburutegian.