Familia errefuxiatu baten harreran eta integrazioan parte hartu nahi duzu?

Bizkaiko Caritasek Siriako familia errefuxiatu bat hartuko du Ermuan, Eusko Jaurlaritzaren babes komunitarioko programaren bitartez. Familia horren harrera eta integrazio prozesu horri begira, gure udalaren lankidetzaz gain, Caritasek dei orokorra eta irekia egiten die ermuarrei ekimen honetan parte hartu eta laguntzeko.

Herritarrak eta bereziki proiektu honetan parte hartu nahi duten boluntarioak informatzeko asmoz, Caritasek hitzaldi bat deitu du biharko asteazkena -urriak 9- Lobianon, 18:00etatik aurrera.

Caritas Bizkaia Eleizaren kristau elkartea da, lurraldean gizarte eta karitatezko ekintza sustatzen duena. Boluntariotzan oinarritzen da, gizarte-konpromisoa, parte-hartzea eta sareko lana sustatzen ditu. Giza sustapenerako eta pertsona guztien garapen integralerako laguntza, eskubideen ikuspegitik lan eginez, bidegabekeria soziala eragiten duten kausak ikusaraziz, sentsibilizatuz eta salatuz eta eraldaketa sozialerako alternatibak proposatuz.