Gabonetako argiak ostiralean piztuko ditugu Ermuan

Ermuko kaleetan azaroaren 28tik 2026ko urtarrilaren 6ra arte 300 argi elementutik gora izango ditugu Gabonetan. ‘ Argilinex’ Enpresa esleipendunak argi-elementuak jarri ditu 160 lekuetan. Gabonetako argiak arratseko 6etatik aurrera piztuko dira, ilundu ondoren.

Gabon argietan aukera zabala dugu: 3Dko elementuak, kaskada motako panelak, argi-gortinak, izarrak eta barraskiloak, euri-efektua duten arkuak, kolore-aldaketa, kliska-efektua dutenak, eta beste banakako batzuk faroletan. Baita ere argi-girlandak ditugu, gabonetako zuhaitza edo "Zorionak" dioten hainbat.

Ilundu ostean, Gabonetako hirurehun elementu baino gehiago piztuko dira gure herriko kale, auzo, parke eta eraikinetan. Gabonetako argi guztiak kontsumo baxuko LEDak dira, eta horien gastua ehunka euro izango da. Apaingarriak urtarrilaren 7an itzaliko dira, Errege egunaren ondoren.

Jolasak eta txokolate-jana

Ostiralean ‘Hiri Hezitzailearen Nazioarteko Eguna 'ospatuko dugu. Hori dela eta, Ermua Hiri Hezitzailea udal proiektu horretako taldeak jolas dibertigarriak antolatu ditu ostiral arratsalderako, plazan.

Ermuko Merkatari eta Ostalarien Elkarteak (EMOE) EMOEk txokolatea eskainiko du 17:30etatik aurrera bertaratzen diren guztientzat. Ekitaldi honekin hasiera emango zaio aurtengo Gabon kanpainari.