Gabonetako sukaldaritza tailerra haurrentzat Liburutegian

Udal Liburutegiak haurrentzako doako sukaldaritza tailerra antolatu du 2012, 2013 eta 2014 urteetan jaiotako haurrentzat. Abenduaren atarian, ekimen honen helburua haurrek Gabonetako kanape ikusgarriak, pintxoak eta sandwichak modu ludiko batean prestatzen ikastea da, etxean egin ditzaketen osagai erraz eta eskuragarriekin. Azken helburua sukaldean ondo pasatzea da.

Doako tailerra da, lau ordu eta erdikoa, eta ordu eta erdiko hiru saiotan egingo da, 17:30etik 19:00etara, liburutegiko hirugarren solairuan. Hiru astearte jarraian izango dira, abenduaren 3an, 10ean eta 17an. Gainera, liburutegiak sukaldeko errezeten hainbat liburu jarriko ditu eskuragarri, maileguan eraman ahal izateko.

Izena emateak jardueraren hiru saioetara joateko konpromisoa dakar, plaza lortuz gero. Plazak mugatuak dira eta izena azaroaren 29ra arte eman daiteke Liburutegian, 943 17 92 12 telefonora deituz, WhatsApp bidez (https://wa.me/34943179212) edo biblioteca@udalermua.net helbidean posta elektronikoz, honako datu hauek emanez: izen-abizenak, liburutegiko txartel-zenbakia, haurraren jaiotza-data, harremanetarako telefonoa eta helbide elektronikoa. Izena emateko plazak zozketaz esleituko dira eta lehentasuna izango dute Ermuan erroldatuta daudenek. Onartutakoen zerrenda webgune honetako iragarki-taulan argitaratuko da abenduaren 2an, eta posta elektronikoz bidaliko zaie izena eman duten guztiei.