‘Gatibu’ eta ‘Los Zigarros’ taldeek Santixauei hasiera emango diete

‘Gatibu’ rock taldeak ‘Santixau’ jaietako kontzertuei hasiera emango die gaur. Alex Sardui buru duen taldeak kontzertua eskainiko du San Pelaio plazan 23:00etatik aurrera. Bizkaitarrek hamar disko kaleratu dituen taldea da eta bere 25. urteurreneko jarduereaan murgilduta dago, aurten eszenatokiei agur esango baitie. ‘Agur Esan Barik’ bira bereziaren barne datozkigu Ermuko jaietara. Goza bere musikaz.

Bihar, uztailaren 19ko larunbatean, ‘Los Zigarros’ taldearen txanda izango da. Valentziatik datorkigun rock-and-roll taldea da. Laukoteak sei disko ditu eta hamahiru urte daramatzate elkarrekin. Taldekideen artean Ovidi eta Álvaro Tormo anaiak daude. ‘Los Zigarros’ taldeak ‘Texas’ taldearekin eta ‘Bryan Adams’ kantari kanadiarrarekin batera jo du berriki, ekainaren 7an, XVIII. Hoyos del Espinoren (Avila) ‘Músicos en la Naturaleza’, Gredos mendilerroko jaialdian. Ermuan zuzenean gozatzeko aukera izango dugu 23:00etatik aurrera San Pelaion.