Gu guztion lana da Ermua jasangarriago egitea

Ermuak "Klimaren eta Energiaren Tokiko Plana" garatuko du, klima-aldaketaren erronkei aurre egiteko eta energia-eredu garbiago, eraginkorrago eta arduratsuago baterantz aurrera egiteko funtsezko ekimena izango dena.

Plan horrek berotegi-efektuko gasen emisioak murriztea eta klima-aldaketak datozen urteetan ekarriko dituen inpaktuei aurre egiteko gure erkidegoa prestatzea izango du helburu. Baina benetan plana eraginkorra izan dadin, guztion ahotsa, iritzia eta parte-hartzea behar dugu.

Garrantzitsua gure parte-hartzea, zergatik?

Gaur egun, Ermuan klima aldaketak izango duen eragina ulertzeko diagnostiko bat prestatzen ari gara. Inork ez du hobeto ezagutzen udalerriko egunerokotasuna bertan bizi direnek baino. Horregatik, zure iritzia -zenbat eta pertsona gehiago hobe- funtsezkoa da neurri errealistak eta eraginkorrak diseinatzeko.

Nola parte hartu dezakezu?

Oso erraza! Udalak online inkesta labur bat prestatu du —betetzeko 2 edo 3 minutu baino ez ditugu beharko—, eta horretarako ez dugu ezagutza teknikorik behar. Inkestara iristeko zuzeneko lotura edo esteka utzi dizuegu, eta bertara iristeko baita QRa uzten dizuegu azpian.Galdetegia ekainaren 6ra arte egongo da eskuragarri.

Era berean, ekainaren 10ean parte hartzeko saioa egingo dugu, herritarrei irekia, arlo horretan egiten ari garen lanak ezagutarazteko eta feedbacka eta ekarpenak jasotzeko gune gisa. Gu guztion ekarpenarekin, udalerriaren errealitatera egokitutako plan bat garatuko dugu, bere beharrei erantzungo diena eta gauzagarria izango dena.

Saio irekia ekainaren 10ean izango da, Lobiano Kultur Gunean, 18:30etatik 20:00etara.

Parte hartu udalerriaren etorkizunaren alde

Elkarrekin eraiki dezakegu Ermua erresilienteagoa, osasungarriagoa eta iraunkorragoa. Guztiok batera!