Ikasi LinkedIn erabiltzen eta aprobetxatzen, zure negozioaren mesederako

LinkedIn munduko online sare profesional handiena da. LinkedIn erabil dezakegu lana edo praktikak aurkitzeko; gure harreman profesionalak konektatzeko eta sendotzeko, eta gure karrera profesionala hobetuko duten beharrezko gaitasunak ikasteko. LinkedIn sare sozial profesionala baino askoz gehiago da: funtsezko tresna da gure negozioa ikusarazteko, hobetzeko eta hazteko.

Izarra Centrek bi orduko bi saio oso praktiko antolatu ditu urrian. Astearte goizetan izango dira, hilak 14an eta 21ean, 9:30etik 11:30era bitarteko ordutegian. H2B Business Group enpresak emango ditu Izarra eraikinean bertan. Izena emateko epea zabalik dago eta plazak mugatuak dira. Animatu, komeni zaizu!

Bi tailer praktiko hauetan zerrendatzen diren gauzak ikasiko ditugu:

• Gure enpresaren eta taldearen profila optimizatzen.
• Gure sektorera egokitutako edukien estrategia diseinatzen.
• Gure burua ikusgai jartzen LinkedInen eta merkataritza-aukera berriak sortzen.
• Enpresa, ekintzaile edo autonomo gisa etekina ateratzeko plataforma ezagutzen.