Komikia protagonista izango Liburutegian

05.02.25
Udal Liburutegia
Gizartea
Hiruhilekoan komikien eta eleberri grafikoen irakurketa sustatuko

Liburutegiak komikien eta eleberri grafikoen irakurketa sustatuko du otsailetik apirilera bitartean, herritar guztientzako jardueren bitartez. Apirilaren 30era arte liburutegiko katalogoan sartu berri diren literatur genero honetako nobedadeek protagonismoa hartuko dute. Horiek bi erakustokiren bidez ezagutaraziko dira, bata helduen gelan eta bestea haurren liburutegian. Horiez gain, ez dira ahantziko irakurtzea merezi dutuen kalitatezko beste izenburu eta bilduma batzuk, argitaratu berriak ez badira ere.

Liburutegiak egileek eskainitako eta sinaturiko komikiak zozkatuko ditu, otsailean, martxoan eta apirilean komikiak maileguan daramatzaten irakurleen artean.

Era berean, Ermua eta Mallabiko Lehen Hezkuntzako 5. mailako, Bigarren Hezkuntzako 4. mailako eta Oinarrizko Lanbide Heziketako 1. mailako ikasleek Martin Azpilikueta ilustratzaileak emango dituen komiki-ilustrazio tailerretara bertaraturko dira, eskola-orduetan.

Tailerretan parte hartzen dutenek, ondoren, haurrentzako eta gazteentzako V. komiki lehiaketan aurkeztu ahal izango dituzte beren lanak. Lehiaketa horren deialdia martxoan egingo da.

Liburutegiak ikastetxeekin elkarlanean garatutako kanpainen ondorioz (komiki-ilustratzaileekin topaketak eta ikasgela guztietarako titulu jakin batzuen mailegua), komikien eskariak eta haien maileguak gorakada nabarmena izan dute azken urteotan, eta, batez ere, haurren artean.

Liburutegia ahalegin handia egiten ari da irakurleen gustu guztietarako eleberri grafikoak eta komikiak eta merezi duten ilustratzaile berrien lanak aukeratzeko eta eskuratzeko inbertsioan.

Lotutako albisteak

Imagen
10.02.25
Oilarra bueltan, Inauteri festarako gogotsu

Kultura Sailak gaur jakinarazi du aurtengo Inauteri lehiaketaren kartel irabazlea. Egilea Agoizeko Alfredo León Manú da, zeinak hegaztia marratu duen
Imagen
07.02.25
Minbiziaren Aurkako Ermuko Elkarteak egoitza irekiko die herritarrei

Hileko bigarren ostegunean, gaixoei laguntzeko eta informazioa emateko
Imagen
07.02.25
Emakumeek zientzian egindako lana eta ekarpenak aintzat hartzea

Ermuak dibulgazio tailerrak antolatu ditu Emakume eta Neskato Zientzialarien Nazioarteko Egunerako