Korrikaren etorrera iragarriko digu ikastetxeetako 'Korrika txikiak'

24. Korrika asteburuan iritsiko da Ermura. 11 egun eta 10 gauetan Atharratzetik Bilbora bi mila kilometro baino gehiago egingo dituen euskararen aldeko ekimena iristear dago. Ibilbideari buruzko xehetasunak KORRIKA aplikazioan edota bere webgunean kontsulta daitezke.

Lasterketa Ermura iritsiko da larunbatean -hilak 28an- 22:10 aldera eta herria zeharkatu ondoren Mallabiara jarraituko du. Ermuan 9 dortsal edo zenbaki izango ditugu, 26 gizarte eragile eramango dituztenak. Asteartean herrian lekukoa eramngo duten kideak argazkia atera zuten. Lekukoa honako hauek eta adierazitako ordenan eramango dute: Errotabarri Eskubaloia, Txindurri Dantza Taldea, Tecnneco Automotive, Infreñu taberna, ikastetxeetako langileak, Gipuzkoako Urak, Artarrai Mendi Taldea, Alboka Musika Eskola, EH Bildu, elkarte gastronomikoak (Arari, Erretena, Artape, Txalaparta, Malengo, Urdinak), Ermuko udala, erretiratuak, Gazte Mugimendua, Emakumeen Asanblada, Zipriztintzen, Elkartasuna, Ermua Palestinarekin, Ermua CD, Euskal Birusa, Bertso Eskola, EAJ-PNV, Anaitasuna Ikastolako Guraso Elkarteak, Berbalagunak, Udal Kiroldegia, Ermua BHI, Herri Muga, Errealzaleak eta Ermuko Merkatari eta Ostalarien Elkarteak.

Egun osoan zehar ekintzak izango dira: plazako dantzak; Ermua kantuan musikarekin; Kahoot, Gauargi emanaldia eta txosna; lasterketaren aurretik eta ondoren. Ikus programa.

Korrika txikia, ostiral arratsean

Herriko ikastetxeek aldez aurretik ospatuko dute bihar, ostirala, arratsaldeko hirurak eta laurdenetatik aurrera. Ikastetxe guztiek batera antolatutako jarduera batean parte hartuko dute. Lasterketa San Lorenzo ikastetxetik abiatuko da, BI-3344 errepidetik igoko da San Antonioraino, trenbidearen azpiko pasagunea zeharkatuko du eta Abeletxeko egoitzatik jarraituko du; Goienkaletik Sexta Mendeurrenarekin (Gaztela-Leon) lotzen den tokiraino. Mendeurrena eta Zubiaurre zeharkatu ondoren plazan sartzea.

Lasterketaren ondoren, euskararen aldeko jaiak plazan jarraituko du. Txien programak txokolate-jana eta disko-festa iragartzen ditu. Ikus xehetasunak azpiko programan.