Larunbatean 'Sagardo eguna' ospatuko

Ermuko Gazte Asanbladak X. Sagardo Eguna X. antolatu du martxoaren 9ko larunbaterako. Jarduerak Orbe Kardinalaren plazan gauzatuko dira.

Goizeko 12:30ean zabalduko da Txotx! Gunea. Bertan pintxoak eta sagardo eguneko edalontzi oroigarria erosi ahal izango dira, 7eurotan. Edalontzia erosten dutenentzat dastatzea librea izango da, sagardoa agortu arte.

Dastatze-gunea 14:30ean itxiko dute bazkaltzeko eta 17:30ean berriz irekiko dutelarik beste bi orduz, 19:30ak arte. Ordu horretan karro-poteoari hasiera emango diote kalerik kale. 22:00etarako plazara bueltatzea aurreikusita dago, non, Aiama punk-oi taldearen emanaldia eta Zatekeen erromeria goza eta dantza egin ahal izango den.

Martxoak 7ko ostegunean ere karro-poteo musikatua iragarrita dago, 19:30etatik aurrera. Sagardo eguneko kartelean, programaren xehetasun guztiak daude.

Ermuko Gazte Asanbladak parte hartzeko dei zabala egin du eta baserritarrez jantzita etortzeko eskaera egiten digu herritarroi.