'Lazarillo de Tormés' klasikoa gozagai Antzokian, Rafael Álvaréz 'El Brujo'rekin

Rafael Álvarez, "El Brujo" goitizenez ezagutzen dugun, aktore andaluziar ospetsua, Ermura etorriko da aste honetan. Ostiralean Fernando Fernán Gómezek moldatutako "El Lazarillo de Tormes" liburuaren bertsioa eskainiko du Antzokian. Gure literaturaren klasikoa den obra, aipatutako aktoreak egokitua eta Rafael Álvarezek interpretatua. Sarrerak 15 euro balio du eta aldez aurretik eros daitezke Lobianon, Internet bidez Kutxabanken webgunean, bere kutxazain automatikoen sarean edo Antzokiko leihatilan bertan emanaldia hasi aurretik. Antzezpenak laurogeita hamar minutu irauten du eta gaztelaniaz izango da.

Sinopsia

Jatorri xumeko gazte batek ugazaben zerbitzura jasaten dituen zorigaitzak kontatzen ditu; itsua, elizgizona eta kapare pobrea, besteak beste. Lazaroren gorabeherak aitzakia bikaina dira garaiko gizarteari kritika zorrotza egiteko.
Antzezlanak arazo unibertsal bati aurre egiten dio: gaur egungo irrika ere anbizioaren eta boterearen inguruan mugitzen da. Mundu guztiak ulertzen duen metafora bat bezalakoa da, mundua da, bizitzaren putzua eta eramaten zaituzten esanahiak. Gortearen mundu ofizialaren eta gosearen mundu errealaren artean desoreka handiak zeuden garaian jaio zen. Eta lehen, orain bezala, ezin da zoriontsu izan mundu nahasi batean, tratu txarrak jasaten dituztenen bizitzak zurearekin ere zerikusia dutelako.

Aktoreak esan duenez: "ez dut inoiz Lazarillo abandonatuko. Antzezten dudan bakoitzean, bereziki gozatzen dut. Inoiz ez diot utzi publikoarekin modu berezian konektatzeari. Pozaren poza ezin da itxuratu eta nik obra honekin benetan gozatu eginen dut ".