Liburutegiak mahai jokoen jardunaldi irekia antolatu du Orbe Kardinala plazan

17.04.24
Udal Liburutegia
Kultura eta Gazteria
Ekitaldia apirilaren 28an izango da, igandea, goizez eta arratsaldez

Ermuko Udal liburutegiak, Eibarko Odisea Elkartearekin elkarlanean, mahai jokoen jardunaldi publikoa antolatu du apirilaren 28rako, igandea. Adin guztietako pertsonek parte hartu ahal izango dute, Orbe Kardinala plazan, 11:00etatik 14:00etara eta 16:30etik 17:30era. Euria egiten badu, Merkatu plazan egingo dira jarduerak.

Ekitaldian zehar, Odisea Elkarteko kideek askotariko gaiak eta tipologiak dituzten eta adin-tarte guztietarako jolasten irakatsiko dute. Jardunaldia herritar guztientzako zabalik egongo da, koadrilentzat, familientzat, etab. Talde handietan jolasteko nahiz bata bestearen aurka jokatzeko mahai jokoak egongo dira, dedukzio-jokoak, azkartasun-jokoak, estrategia-jokoak, trebetasun-jokoak, lankidetza- eta dibertimendu-jokoak... dibertsioa izango da jaun eta jabe. Besteak beste, Rhino Hero, Dobble, La Resistencia, Laberinto mágico edo Sagrada jokoak egongo dira eskuragarri Orbe Kardinala plazara hurbiltzen diren pertsona guztientzat.

Mahai-jokoen bidez, pertsona guztiek inolako bereizketarik gabe parte hartuko duten espazio bat sustatu nahi da; soilik pertsonak gainerako jokalarien aurrean edo haiekin batera garaipena lortu beharko duten joko baten aurrean.

Ekitaldiaren amaieran jokoak zozketatuko dira plazan dauden pertsonen artean.

Lotutako albisteak

Imagen
27.05.24
Jokoaren Nazioarteko Egunaren hirugarren edizioan, dibertsioa guztiontzat

Jaia sendotu egingo da gure udalerrian bihar, maiatzak 28, beste edizio batekin
Imagen
22.05.24
13 eta 17 urte bitarteko gazteek askotariko jarduerak edukiko dituzte uztailean

‘Udako jolasak gazteentzat’ doakoa da eta lehen hamabostaldian gauzatuko
Imagen
21.05.24
Ermua Antzokiak bi komedia dramatiko, wester bat eta animazio bat eskainiko ditu aste honetan

Proiektatuko ditu 'Siempre nos quedará mañana'; La Casa'; 'Hasta el fin del Mundo' eta 'Garfield' filmak