Libutegiaren ‘Ehuntzen eta hitz egiten’ jarduerarako izen-emateak zabalik daude

Udal Liburutegiak doako bi tailerretan izena emateko epea ireki du, puntu eta kakorratz lanak irakurketarekin eta solasaldiarekin uztartuz. Topaketa, ikaskuntza eta gozamen partekatuko ingurune bat sortzea bilatzen duen ekimena da.

Tailer hauek dagoeneko lan hauek egiten dituztenei eta ikasi nahi dutenei zuzenduta daude. Helburua bikoitza da: sozializatzeko espazio bat eskaintzea eta, aldi berean, ezagutzak trukatzea, gaurkotasuneko gaiei buruzko elkarrizketa eta irakurzaletasuna sustatzea. Dinamizatzailea kakorratzean eta puntuan aditua da, eta parte-hartzaileei lagunduko die lanak aukerazen, etxean jarraitzeko aukera izango dutelarik. Liburutegiak beharrezko material guztia jarriko du.

Jarduerak hiru hilabeteko iraupena izango du, urriaren erdialdetik abenduaren erdialdera arte, eta tailer bakoitzeko 5 saio izango dira guztira. Bi tailer eskaintzen dira, eta bakoitzak hamar plaza ditu.

Taldeen ezaugarriak

Lehenengo taldea 65 urtetik gorakoentzat pentsatuta dago bereziki. Topaketa-errutinak erraztea eta aisialdi-ohitura erregularrak sustatzea du helburu. Talde hau, bi astean behin, liburutegian bilduko da 9:30etatik 11:00etara. Topaketak urriaren 22an, azaroaren 5ean eta 19an eta abenduaren 3an eta 17an izango dira. Adineko pertsonek lehentasuna izango dute plaza lortzeko.

Bigarren taldeak belaunaldien arteko ikuspegia du, eta gazteen eta adinekoen arteko elkarrizketa eta loturak sustatzea du helburu. Beraz, plaza batzuk 15 urtetik gorako gazteentzat izango dira. Helburua gazteek beste pertsona batzuekin batera josten ikastea da, jantziak edo osagarriak (bufandak, poltsak, jertseak, beharrak...) sortzeko eta zaletasun horretaz gozatzen urteak daramatzatenekin esperientzia partekatzeko. Bilerak liburutegian egingo dira, hilean bi asteazkenetan, 17:30etik 19:00etara. Urriaren 22an, azaroaren 5ean eta 19an eta abenduaren 3an eta 17an bilduko dira.

Bi tailerretan izena emateko epea urriaren 20an amaituko da. Izena emateko liburutegiko txartela behar da. Izena ematea oso erraza da eta Liburutegian bertan egin daiteke, 943 179 212 telefonoan, WhatsApp bidez (https://wa.me/34943179212) edo biblioteca@udalermua.net helbide elektronikoan. Honako hauek adierazi behar dira: izen-abizenak, bazkide-txartelaren zenbakia, jaioteguna, harremanetarako telefonoa eta posta elektronikoa (izaten bada).

Zozketa egingo da, eskaerak dauden  plazak baino gehiago direnean

Izena emateko plazak zozketaz esleituko dira eta lehentasuna izango dute Ermuan erroldatuta daudenek eta izena ematen duten tailerraren aurreko edizioan parte hartu ez dutenek. Onartutakoen zerrenda urriaren 21ean, asteartea, argitaratuko da udalaren webguneko iragarki-oholean, eta izena eman duten guztiei jakinaraziko zaie posta elektronikoz.

Plaza bat lortzen dutenek saio guztietara joateko konpromisoa hartzen dute. Bi saio edo gehiagotara ez joateak plaza galtzea ekarriko du, itxaron-zerrendan dauden pertsonak egonez gero. Gainera, pertsona horiek erreserba-zerrendara pasatuko dira zuzenean liburutegiak antolatutako hurrengo jardueran, baldin eta izena emateko plazak baino gehiago badaude.