Lomi Powerreko aparkalekua irekita eta erabilgai

Lomi Powerreko aparkalekua zabalik eta erabilgai dago gaurtik -uztailaren 15etik-, oro har, auto-gidarientzat eta alokairu-modalitatean esleipendun suertatu diren ibilgailuen jabeentzat. Beraz, gaurtik aurrera lur azpiko aparkaleku horretan aparka dezakegu, txandakako eremuan eta eguneko ordutegian, doan lehenengo 2 orduetan, eta hortik aurrerakoak 1,80 €orduko, gehienez ere 15 € egunbakoitzeko.

Autoentzako hileko bonuak 60 €balio du eta motorrentzako bonuak 20 €. Hirugarren (3) tarifak gaueko 22:00etatik hurrengo eguneko 9: 00etara bitarteko erabilera arautzen du, eta gaueko 2 €-ko prezioa du. Hori guztia, erabileraren prezio publikoa arautzen duen 34. Ordenantza Fiskalean xedatutakoaren arabera. Prezio horiek urtero eguneratuko dira osoko bilkurak gainerako prezio publikoekin eta tasekin batera hartutako erabakiaren bidez. Banku-txartelaren bidez bakarrik ordain daiteke, ez eskudirutan, ezta beste moduren batean ere. Abonatuentzat gordetako plazek kartela dute zintzilik, erreserbatuta daudela adierazteko.

Azpiegitura berriak berrogeita bi plaza (42) ditu txandakako erregimenean, kopuru bera (42) ibilgailu abonatuen titularrentzat, hiru (3) plaza ibilgailu elektrikoentzat, hiru (13) plaza motozikletentzat eta hiru (3) gehiago mugikortasun murriztua edo minusbaliotasuna duten pertsonentzat.

Baldespinako Markesaren aparkalekuak irekita jarraituko du oraingoz, harik eta plazak emakida administratiboko erregimenean esleitzeko prozesua amaitu arte.