Mikologia jardunaldieen mamia gaurtik igandera bitartean gauzatuko da

Ermuko Mikologiaren Lagunen Elkarteak antolatzen dituen jardunaldien XXXVII. edizioa ospatuko du aste honetan. Jarduerak igandean hasi ziren, Nafarroako karraskaletara egindako txango batekin. Programaren zatirik handiena gaur (osteguna), hilaren 17tik (igandea) 20ra (igandea) gauzatuko da. Mikologia ardatz duten estatuko argazkien lehiaketara aurkeztutako lanak ikusgai daude aste honetan Lobiano Kulturgunean.

Programak kirolari eskainitako eguna iragarri du gaurko. Horrela, gaur arratsaldean Maialen Calderon Duñabeitia eta Marta Fernandez Lafuente omenduko dituzte, Ohorezko Mailako eskubaloi epaileak, Euskal Federazioko kide eta ordezkariak. Arratsaldeko 7etatik aurrera, Orbe Kardinalaren plazan.

Bihar, ostirala, espezie jangarri eta toxikoei buruzko hitzaldia izango da. Pablo García Azkarate Bizkaiko Mikologia Federazioko presidenteak eta Pedro Castro Sánchez bertako elkarteko kideak hitz egingo dute. Emanaldia Lobiano Kulturgunean izango da, arratsaldeko 7etatik aurrera.

Igandean erakusketa bikoitza izango da; alde batetik, bildutako eta sailkatutako aleak erakutsiko dira eta, bestetik, ikastetxeetan egindako gaikako lanak. Gainera, dastatzea egongo da eta opariak banatuko zaizkie laguntzaileei.