Mugarteak XXXI. Pintura Lehiaketa antolatu du

Ermuko Mugartea elkarteak Aire Zabaleko Pintura Lehiaketaren hogeita hamaikagarren edizioa aurkeztu du. Lehiaketa igande honetan izango da, ekainaren 16an, eta nahi duten guztiek parte hartu ahal izango dute.

Izen-ematea igande goizean bertan egingo da, 09:00etatik 11:00etara, Lobiano Kultur Gunean. Lehiaketaren gaia Ermuko hirigunea izango da, eta teknika librea izango da.

Lehiaketa 14:00etan amaituko da, eta parte hartzen duten obra guztiak Lobiano Kultur Gunean entregatu beharko dira. 14:30ean, Mugarteak bazkaria eskainiko die parte-hartzaile guztiei.

Epaimahai kualifikatu batek erabakiko du zeintzuk diren obrarik onenak, eta erabakia egun berean jakinaraziko da, 17:00etan. Ekitaldi berean, honako sariak banatuko dira:

• 1. sari orokorra: 1.200 euro
• 2. sari orokorra: 800 euro
• 3. sari orokorra: 300 euro
• 1. akzesita, 150 eurokoa
• Herriko 1. saria: 250 euro
• Herriko 2. saria: 150 euro
• Umeak: margo materialez osatutako 8 kit 

Saritutako lanak Mugartea kolektiboaren jabetzakoak izango dira. Irabazleak lana sinatzera behartuta daude saria jasotzean, eta gainerako mihiseak epaia eman eta ordubetera jaso ahal izango dira.