Mugikor bidezko argazkigintza tailerra antolatu du Kultura sailak

Ermuko Udaleko Kultura sailak herritarrentzako ikastaro berri bat antolatu du, zeina datorren maiatzean gauzatuko den Lobiano Kultur Gunean. Ikastaroa mugikorrarekin argazkiak egiten ikasteko tailerra izango da adinez nagusi direnentzat. Izen-emate orokorra 25 eurokoa izango da; ikasleek, erretiratuek, langabezian daudenek edo Gazte txartela dutenek, berriz, hobaria izango dute eta 22,5 euro ordainduko dituzte. Tailerra Lobiano Kulturguneko Ikus-entzunezkoen aretoan egingo da maiatzaren 8, 15, 22 eta 29an.

Izen-emateak Lobiano Kulturgunean egin behar dira apirilaren 22tik aurrera edo plazak agortu arte. Plazak mugatuak dira eta gutxienez 6 pertsona interesatu behar dira taldea osatzeko eta tailerra egiteko.