Munduko hizkuntzei buruzko erakusketa ikusgai Lobianon

Munduan hizkuntza asko daude, eta horietako asko, zoritxarrez, gutxiengoak dira eta desagertzeko bidean daude. Erakusketa honek hausnarketa ariketa bat egitera gonbidatzen gaitu, eta makro ikusmenetik mikrora pasatzera xehetasunez ikusteko; hau da, lur planetan gehien hitz egiten diren hizkuntzetatik hasi, ondoren Europako hizkuntzei erreparatu eta, azkenik, gure hizkuntzara iristeko: euskarara.
Euskara beste hizkuntza guztien arteko bitxikeriatzat hartzen da, bai jatorri ezezagunagatik, bai denboran zehar duen iraupenagatik.

Paneletik panelera, euskararen eta gure herriaren egoera jasotzen eta erakusten duen panelera iritsiko gara: egungo biztanleriaren jatorria; kaleko hizkuntzen erabilera; euskara eskuratzeko edo ikasteko modurik ohikoenak, kopurua, adina edo euskal hiztunen tipologia. Datu interesgarri horiek hausnarketara gonbidatuko gaituzte erakusketaren testuinguruan.

Erakusketa hau 9: 00etatik 21:00etara egongo da zabalik Lobiano Kultur Gunean datorren igandera arte, maiatzak 25.