Odol-emaileentzako premiazko deia

Odol Emaileen Elkarteak odola emateko saio berria antolatu du. Urtarrilak 18ko ostegunean izango dugu aukera berria goizeko nahiz arratseko ordutegian. Deialdia premiazkoa eta garrantzitsua da, odol-bankuak erreserba gutxi dituelako.

Autobusa Bizkaiko Etorbidean kokatuko da, goizez bederatziak eta laurdenetatik ordu 2etara eta arratsaldez lau eta erdietatik iluntzeko bederatzietara bitartean.

Herriko odol-emaileak jakinaren gainean daude jada, deialdi bakoitzeko SMS eta e-posta bidezko mezuak jasotzen baitituzte.

Gaur egun, odola ematea da modu bakarra gure osasun-sistemak ondo funtzionatzeko beharrezkoak diren odol-osagaiak lortzeko (hematiak, plaketak eta plasma).

Hurrengo txandak kontsultatzeko, ikus elkartearen webgunea.