Olaia Inziartek bere bigarren diskoa aurkeztuko du Ermua Antzokian

Olaia Inziartek kontzertu intimoa eta hunkigarria eskainiko du ostiral honetan Ermua Antzokian 20:30ean. Nafarrak Zerrautsa (2025) diskoa aurkeztuko du, emozioen eta egiazkotasunaren ospakizuna izango dena, musikaren eta hitzen bidez partekatzeko gonbidapena. Kontzertua San Martin kulturalaren ekintzen parte da. Sarrerak 12 euro balio du eta aldez aurretik eros dezakegu Lobiano Kultur Gunean, Kutxabankeko atarian edo leihatilan ikuskizuna hasi baino lehen.

Zerrautsa artista nafarraren bigarren diskoa da eta artistaren barruko mundu bisuala aztertzen du. Horretarako, zerrautsa bezalako elementuak hartu ditu sinbolo gisa, sortze-prozesuaren hondakintzat jo arren, forma emateko ere ezinbestekoa baita. Diskoa norberaren barrua aurkitzeko bidaia bat da, emozio gordinenen bidez, zaurgarritasunaren bidez. Olaiak modu kritikoan hausnartzen du gizarteari buruz, musikaren industriari buruz. Etsipenetik abesten du.

Landutako disko honetan soinu organikoak eta elektronikoak gitarra distortsionatuekin eta sintetizadore analogikoekin fusionatzen dira. Diskoa barne-bilaketaren bidetik egindako bidaia da. Olaia Inziarte abeslari eta konpositorea (ahotsa, pianoa, gitarra) izango du lagun: Eric Deza (gitarra elektrikoa, efektuak), Gema Inés Murillo (gitarra elektrikoa eta akustikoa), Ander Unzaga (sintetizadorea, pianoa), Lore Nekane (baxua, sintetizadorea), Josu Erviti (bateria, perkusioa).