‘Oporrak 2025’ lehiaketara aurkeztutako argazkirik onenak aukeratu dira

Ermuko Udal Kultura sailak urtero antolatzen duen "Oporrak 2025" argazki lehiaketak badu egile sarituen zerrenda. Lehiaketara 59 irudi aurkeztu dira; horietatik 45 telefono mugikorrarekin hartu dira eta 14 kamera digitalarekin. Proposamenen kalitatea izan da edizioaren ezaugarri nagusiak eta, beraz, epaimahaiak ez du lan erraza izan. Jasotako argazkiak koloretakoak zein zuri-beltzekoak izan dira, munduko zehar hartuak, egileen opor-leku anitzetako isla. Lehiaketak 800 € banatzen ditu sarietan.

Lau sarietatik hiru herrian bertan geratu dira, eta laugarrena Deba-goienera joan da, Bergarara hain zuzen ere.

Saritutako egileen zerrenda, irudi bakoitzarentitulua, non hartu den eta sariaren zenbatekoa honako hau da:

1. Kamera digitaleko lehen saria Ermuko Asier Casas Rodriguezentzat, "El final del día" argazkiarekin, Zadarreko itsasargian (Kroazia). 300 €-ko saria.
2. Kamera digitaleko bigarren saria Ermuko Iñigo Sainz Álvarezentzat, "Escaladores" argazkiarekin, Atxarteko harrobian (Abadiño). 200 €-ko saria.
3. Lehen saria mugikorrarekin Iñaki Zenitagoia Pildainentzat, Bergarakoa, Udalaitzen (Arrasate) ateratako "Askatasuna sentitzen" argazkiarekin. 200 €-ko saria.
4. Bigarren saria mugikorrarekin Edurne Iriondo Garitagoitia ermuarrarentzat, "Goiza hondartzan" argazkiarekin, Marina de Casaresen (Malaga). 100 €-ko saria.