‘Pasialeku’ elkarteak astebeteko ekintzak antolatu ditu

Urrian "Adinekoen Nazioarteko Eguna" ospatzen dugu, 1990eko abenduaren 14ko Nazio Batuen Batzar Nagusiaren 45/106 Ebazpenarekin bat etorriz. Ermuan, efemeride honen testuinguruan, hilabete osoan zehar hainbat jarduera gauzatzen ditugu. "Pasialeku" Hirugarren Adinekoen Elkarteak jarduera sorta bat prestatu du datorren asterako, ospakizun hori dela-eta. Jarduera fisikoak, musika, dantza, mendi-ibiliak edo jolas kolektiboak eta herri bazkaria izango da.

Hona hemen programaren xehetasunak:

• Astelehena 20:
  • 10:00etan: Dantza Orbe kardinalaren plazan eta petanka txapelketa.
  • 18:00etan: Unzaga Gizarte Etxeko abesbatzaren kontzertua parrokian.
• Asteartea 21:
  • 10:30etan; Mantenu gimnasia K.Orbe plazan eta petankako txapelketa.
• Asteazkena 22:
  • 10:30etan: Osakidetzako ibilaldi osasungarria.
  • 11:00etan: Dantza klasea plazan eta petanka txapelketa.
  • 17:00etan: Bingo berezia jubiletxean.
• Osteguna 23:
  • 10:00etan: Arku tiroa, dardoak eta igel-jokoa K. Orbe plazan. Eta petanka txapelketa.
  • 16:30etan: Udazkenari buruzko hitzaldia. Osakidetzaren eskutik.
  • 18:30etan: Kantu taldearen kalejira.
• Ostirala 24:
  • 9:30etatik aurrera: mendi martxak.
  • 14:30ean. Bazkari herrikoia.