‘Quedada no camiño’ jarduera antolatu du bigarren urtez Galiziako Zentroak

Ermuko Galiziako Zentroak Ermutik eta Zenarruza-Bolibarrera arteko txangoa antolatu du datorren iganderako, urriak 22, Artarrai Mendi Elkartearen laguntzarekin. Ibilaldiak 17 kilometroko luzera du eta zailtasun ertainekoa da, 7 ordutan betetzeko moduan, gaiten musika eta animazioa izango ditu. Ustez, Santiago de Compostelara (A Coruña) zihoazen erromesek erabiltzen zuten ibilbide zeharra. Parte hartu nahi dutenek nahitaez eman behar dute izena eta 2 euro ordaindu behar dituzte, asegurua eta herrira autobusez itzultzeko bidaia ordaintzeko. Diru hori plazako akreditazio-puntuan entregatu behar da, irteera ofiziala hasi aurretik.

Antolatzaileek iragarri dutenez, Mallabitik Trabakua gaineraino joango dira eta bertan hamaiketakoa eskainiko dute Oiz mendiaren magalean dagoen Muniozguren auzoraino jarraitzeko. Puntu horretatik, Bolibar udalerrira jaitsiko gara, Zenarruzako kolegiatara, hain zuzen ere. Edozein arrazoirengatik ibilbide osoa egin ezin duten edo egin nahi ez duten pertsonek edozein puntutan bat egin ahal izango dute. Adingabeek lagunduta joan behar dute

Parte hartu nahi dutenek izena eman dezakete formulario honen bidez. Informazio gehiago jaso nahi izanez gero, idatzi c.galego.ermua@gmail.com posta elektronikoko postontzira eta deitu 604 432 163 telefonora. Jarduerak Galiziako Xuntaren eta Ermuko Udalaren babesa du.