Sagardotegian jan eta herrian lo egitea aurreikusten duen irteera antolatu du Berbalagunek

Euskararen erabilera Ermua eta Mallabian sustatzea xede duen ‘Berbalagun’ ekimenak, Adunako sagardotegi batera txangoa antolatu du martxoaren 15erako, herri horretan lotan geratzea barne. Txango proposamenak ondorengoa aurreikusten du; Adunako Zabala sagardotegian bazkaltzea. Bazkalostea egin ondoren, herria bisitatuko dute eta herriko aterpetxean emango dute gaua. Bazkaria sagardotegian, aterpetxean lo egitea eta hurrengo egunean gosaltzea 70 euroko kostua izango du.

Parte hartu nahi dutenek aldez aurretik eman beharko dute izena. Horretarako, 663 070 492 telefonora deitu edo ermua_berba@aek.eus helbide elektronikora idatz dezakete, 22 leku besterik ez baitaude.