Udako lau aste dibertigarrienak, Oporretan Jolasen eskutik

Ermuko Udaleko Euskara eta Kirol Sailek Oporretan Jolas udalekuak antolatu dituzte beste urte batez ekainerako eta uztailerako. Jarduerak Lehen Hezkuntzako 1. eta 6. maila bitarteko haurrei zuzenduta daude, eta izena emateko epea maiatzaren 7an, asteartea, hasiko da.

Lau astez, parte hartzaileek ondo pasatzeko eta, aldi berean, euskara praktikatzeko eta hobetzeko hainbat jardueraz gozatu ahal izango dute. Aurreko urteetan bezala, Oporretan Jolas lau astetan, lau adin-bloketan eta lau motatako jarduera dibertigarri eta hezigarritan banatuko da: aisialdia, STEAM tailer teknologikoak, zirku eskola eta kirol jarduerak. Asteen eta adinaren araberako banaketa honela geratu da:

Talde bakoitzaren ohiko ordutegia 09:00etatik 13:30era izango da. Jarduera talde bakoitzerako programazio zehatza multzo bakoitzeko parte-hartzaile kopurua jakin ondoren zehaztuko da.

Izena emateko epea maiatzaren 7an irekiko da, asteartea, eta 14ra arte luzatuko da. Izena asteka eman beharko da, adin-taldearen arabera zein jardueratan eta zein astetan parte hartu nahi den aukeratuz.

Asteko eta haur bakoitzeko prezioa 35,98 eurokoa da; 28,78 euro pertsona bakoitzeko, bi anai-arrebek izena ematen badute edo familia ugariko kide badira (edozein astetan izena ematen dutela ere). Matrikula-tasa Kutxabankeko kontu zenbaki honetan ordaindu beharko da, haurraren izen-abizenak zehaztuz: ES89 2095 0040 6091 1099 0751.

Tasak ordaindu ondoren, eskabidea bete eta ordainagiriarekin batera erregistratu beharko da Ermuko Udalaren Egoitza Elektronikoan. Abiapuntu bulegora ere joan daiteke, astelehenetik ostiralera, 08:00etatik 14:30era.