Udalbatza ezhoiko Osoko Bilkuran bilduko da gaur

Udalbatza Osoko Bilkuran bilduko da gaur, udako oporrengatik etena egin aurretik; izan ere, abuztuan bilerarik ez baita izaten erakundean, Funtzionamenduko Erregelamendu Organikoaren (AJA) arabera. Bilkura 18:00etan hasiko eta ezohiko izango da, hileko azken asteartea baino zazpi egun lehenago egingo delako delako. Gai-zerrendak hamabost puntu ditu:  aztertu beharreko gaiekiko edozein interes garrantzitsuren edo bateraezintasunen berri emateko gonbidapenarekin hasiko, eta galdera eta eskariekin itxiko da. Bigarrenik, aurreko bilkurako akta, ekainaren 25ekoa. Hirugarrenik, azken hilabetean sinatutako alkatetza-dekretuen berri emango da.

Laugarren puntutik seigarrenera, barne-antolaketari eta bertako langileei buruzko hiru proposamen jorratuko dira: 2024ko LPZ aldatzea; ordainsaria %2 igotzea aurten; eta erakundeko giza baliabideen eta belaunaldi-erreleboaren plan estrategikoa. Horien ondoren, hirigintza-arloko bi puntu daude: Mallabia eta Ermuko saneamendu-proiektuari aurkeztutako alegazioak, eta proiektuak eragindako ondasun eta eskubideen behin betiko zerrenda.

Bederatzigarren puntutik hamabigarrenera, gai ekonomikoak jorratuko dira; 2024ko aurrekontua laugarrenez aldatzeko proposamena; lehenengo espedientea, kredituak gaitzeagatik, eta dagokion egonkortasun-txostena. Hamaikagarrenean, 2023ko Kontu Orokorra jendaurrean jarri izanaren berri emango da. Hamabigarrenean, 2024ko aurrekontuaren bosgarren aldaketa egingo da, kreditu gehigarrien bigarren espedientea, eta jasangarritasun-txostenaren berri emango da.

Hamahirugarren puntua eskola-materialerako laguntzak arautzen dituzten oinarri espezifikoak izango dira. Hamalaugarrena EH Bilduren hautagaitzako Joanna Díaz Benito zinegotzi-karguari uko egin diola kontutan hartzea. Saioa galde-eskeekin itxiko da, halakorik balego.

Osoko bilkurari zuzenean jarraitu ahal izango zaio, streaming bidez, webgune korporatibo honetan, bai eta gure YouTubeko kanalaren bidez ere.