Zaporeak elkartearen aldeko spinning maratoia

07.05.24
Kirolak
Gizartea
Ekimen solidarioa larunbatean izango da, 10:00etatik 13:00etara, San Pelaion

Ermua Kirolak Ermuko Udaleko Kirol Sailak elkartasunez beteriko ekitaldia antolatu du maiatzaren 11rako, larunbata. 10:00etatik 13:00etara ziklo edo spinning maratoia egingo da San Pelaio plazan, eta bertan Zaporeak GKEarentzako dirua bilduko da. Irabazi-asmorik gabeko elkarte horrek egunero otordu duin bat eskaintzen die Europara iristen diren errefuxiatuei.

Marga Pérez, Jessica Aguilar eta Gaizka Rodríguez Udal kiroldegiko begiraleek dinamizatuko dituzte jarduera fisikoaren hiru orduak. Parte hartu nahi dutenek Miguel Ángel Blanco kiroldegian izena eman ahal izango dute aldez aurretik edo, bizikletak libre geratzen badira, eguneko azken saiora joan, 12:00etatik 13:00etara.

Maratoiaren egunean, Zaporeak GKEak pin bat banatuko die elkartea diruz lagundu nahi dutenei, 5 euroko dohaintzaren truke. Ekitaldi solidarioan diru gehiago bildu ahal izateko, taloak saltzeko postu bat ere jarriko du elkarteak San Pelaio plazan.

Beren aletxoa ekarri nahi baina ekitaldian parte hartu ezin dutenek "0 errenkadako" sarrera bat erosteko aukera dute, Caixabankeko ES53 2100 2724 8101 0066 3988 kontura transferentzia eginez.

Lotutako albisteak

25.02.26
Indarkeriarik gabeko eta errespetuan oinarritutako jaien aldeko udal manifestua

Ermuko Udalbatzak Osoko Bilkuran testua aho batez onartu zuen bart iluntzean
23.02.26
Ermuak etxebizitzen birgaitzea, alokairua eta eraginkortasun energetikoa bultzatuko ditu eskualdeko bulego ibiltariaren bidez

Herritarrek aholkularitza izango asteartero 8:15etik 12:15era Abiapuntu bulegoan; aldez aurretik hitzordua eskatu behar da
23.02.26
Ikas ezazu lurrinak eta kosmetika naturaleko produktuak egiten

Gazteria Arloak doako gazte tailerra antolatu du. Izena emateak martxoaren 4ra arte zabalik