Integritate sistemaren jarraipena

Osaketa:

Presidentea: Udaleko zuzendari nagusia.

Batzordekideak:

• Udal-idazkaria
• Aholkularitza Juridikoko eta Kontratazioko Unitateko funtzionarioa
• Pertsonak Kudeatzeko Unitateko funtzionarioa
• Herritarren Partaidetzako, Gardentasuneko eta Kalitateko Unitateko funtzionarioa
• Herritarrei zerbitzuak ematen dizkien unitateren bateko funtzionarioa

Idazkaria: batzordekideen artean aukeratutako funtzionarioa

Idazkaritza teknikoa: Udal-idazkaria

Eskumen orokorrak:

• Integritate sistemaren ibilbide-orria sortzea.
• Kode Etikoa eta Integritate Sistema zabaldu.
• Kode etikoa ebaluatzea eta ezartzea/aplikatzea. (Adierazleak)
• Balio-foroaren konpromisoen jarraipena.
• Ezinegon eta gatazka egoerak identifikatzea eta ikusaraztea, erabaki problematikoak.
• Kode Etikoarekin lotutako arazoak entzutea eta bideratzea, ez daitezen enkistatu.
• Txostenak egitea.
• Integritate sistemaren prozesuak eta memoria idaztea.

Iruzurraren aurkako batzorde gisa jarduten duenean dituen eskumenak, iruzurraren aurkako planari dagokionez:

• Iruzurraren aurkako politika definitzea eta iruzur-ahaleginak prebenitzeko, detektatzeko, zuzentzeko eta jazartzeko behar diren neurriak diseinatzea.
• Gobernu-organoei iruzurraren aurkako politikaren proposamena helaraztea, bai eta iruzur-ahaleginak prebenitzeko, detektatzeko, zuzentzeko eta jazartzeko beharrezkoak diren neurriak ere.
• Funtzionamendu erregularra gainbegiratzea eta ebaluatzea, Suspertze eta Erresilientzia Mekanismoa gauzatzeari eragiten dioten arriskuei dagokienez, prebentzio, detekzio eta zuzenketa neurrien aplikazio zuzena, arriskuen ebaluazioa barne, ahuleziak antzemanez eta ekintzak proposatuz.
• Jakinarazten zaizkion arrisku bereziko arloak, egoerak edo kasuak aztertzea eta ebaluatzea, eta horiek hobetzeko jarraibideak eta gomendioak ezartzea.
• Arriskuari buruzko aldizkako ebaluazioak egiten direla bermatzea, horretarako irizpide eta jarraibide orokor eguneratuak ezarriz.
• Gobernu-organoei helaraztea Batasunaren finantza-interesen arriskuaren ebaluazioa, onar dezaten.
• Barne-kudeaketako sisteman eta arriskuen ebaluazioan parte hartzea edo jarraibideak ezartzea, adibidez, funtzioak eta erantzukizunak banatu eta ezarri, eta hainbat arlo edo sailetan gauzatu beharreko ekintza-planak egin eta berrikusi.
• Langileek iruzurra, ustelkeria, interes-gatazkak eta finantzaketa bikoitza gertatzeko arriskuei buruzko ezagutzak dituztela eta beharrezko informazioa jasotzen dutela bermatzea, beren jarduera-eremu espezifikoan.
• Langileen artean prozedura argia eta hedatua dagoela bermatzea, erakundearen barruan eta kanpoan iruzurra, ustelkeria, interes-gatazkak eta finantzaketa bikoitza gertatzeko arriskua duten kasuak jakinarazteko.
• Iruzurraren aurkako kontaktu-unitatea izatea.
• Iruzur edo ustelkeria izan daitezkeen gaiak aztertzea eta, hala badagokio, ustezko iruzurraren edo ustelkeriaren tipologiaren eta irismenaren arabera dagokion erakundera bidaltzea.
• Interes-gatazkak, iruzurrak, bidegabeko erabiltzeak, finantzaketa bikoitza eta ustelkeria prebenitzeko, detektatzeko, zuzentzeko eta jazartzeko beharrezkoak diren dokumentu-ereduak baliozkotzea, bai eta lotutako jarduerak dokumentatzea ere.
• Interes-gatazkei buruzko informazioa jasotzea, inpartzialtasunean eta objektibotasunean duten eragina baloratuz.
• Esku hartzeko kontrola eta finantza kontrola sustatzea, bere kudeaketa-sisteman plan honetan ezarritako prebentzio, detekzio eta zuzenketa mekanismoak sartzeko.
• Hala badagokio, dagokion protokoloan edo kodean edo gaur egun indarrean dagoen arau-esparruan jasotako etika eta jokabide printzipioen aplikazioari buruzko dilema etikoak, zalantzak edo kexak ebazteko proposamenak egitea.
• Iruzur-susmorik izanez gero, informazio-espediente bat irekitzea, eta bertan parte hartzen duten unitateei beharrezkoa uste den informazio guztia eskatzea, azter dezaten.
• Hasitako informazio-espedienteak ebaztea, eta, susmoak funsgabeak badira, espediente horiek artxibatzeko agintzea, edo neurri zuzentzaile egokiak hartzea, iruzurra benetan gertatu dela ondorioztatu baldin bada.
• Alkate-udalburuari eta, hala badagokio, Korporazioko Idazkaritza Nagusiari jakinaraztea hasitako espedienteetan lortutako ondorioak eta, hala badagokio, aplikatutako neurri zuzentzaileak.
• Hala badagokio, egindako salaketen tramitazio unitatea izatea, eta, ebaluatu ondoren, kanpo-kontroleko organoetara (SNCA, OLAF) edo, hala badagokio, ministerio fiskalera bideratzea.

Bileren maiztasuna: Hilean behin