Abonu arruntak

Abonu mota Norentzat Urteko kuota Maiatzetik aurrera soilik Irailetik aurrera soilik Udakoa (*)
Familiarra Ezkontidea edo bikotekidea barne dela, eta hala denean, 24 urteak betetzen diren urteko abenduaren 31ra arte jaiotako seme eta alabak, eta adin-mugarik gabe ehuneko 65 edo gehiagoko minusbaliotasuna dutenak, eta beti ere bizikidetza-unitatearen parte direla frogatzen bada. 213,50€ 160,15€ 85,40€ 96,10€
Helduak 19 urte betetzen diren urteko urtarrilaren 1etik aurrera jaiotako pertsona guztiak 134,20€ 100,65€ 53,70€ 60,40€
Gazteak 18 urte betetzen diren urteko abenduaren 31 arte jaiotako pertsona guztiak 79,50€ 59,65€ 31,80€ 35,80€

(*) Udako abonuak Betiondo kirolguneko estaligabeko igerilekura soilik ematen du sarrera

Izen-emateak

Izen-emateak Miguel Angel Blanco kiroldegiko edo Betiondo kirolguneko harreran izapidetu ahal izango dira. Adingabeen kasuan, aitak/amak edo tutoreak izapidetuko ditu abonuak. Txartela lortzeko, argazki bat egingo dizugu gure webcamarekin.

Kuota alta ematen den unean ordainduko da, izen-ematea izapidetzen den kirol-zentroan, banku-txartelarekin, eskudirutan edo, aurretik, Ermuko Udalaren kontu honetan sartuta: ES29 2095 0040 6091 2063 3922 (Kutxabank)

SEPA dokumentua sinatu behar da, etorkizuneko ordainagiriak zure titulartasuneko kontu-zenbakian helbideratzeko baimena ematen duena.

Txartel zaharra gorde behar da, aurretik abonatutako pertsona izan eta itzuli ez bada. Ondorengo altetan abonatutako pertsona-txartel berri bat egiteko, dagokion tasa ordaindu beharko da.

Ordainketaren bajak urte bakoitzeko abenduaren 24a baino lehen izapidetu beharko dira; bestela, ordainketa automatikoki berrituko da hurrengo urterako.

Ikusi baldintzak indarrean dagoen Ordenantzan.

Zer erabili dezaket?

Miguel Angel Blanco kiroldegian:

  • SPA gunea
  • Igerileku klimatizatuak
  • Oinarrizko gimnasioa (16 urtetik aurrera)
  • Squash pista eta ping-pong-a
  • Sauna eta lurrun bainua

Betiondo kirolgunean:

  • Oinarrizko gimnasioa (16 urte baino gehiagoko kirolari federatuentzat)
  • Rokodromo-boulderra
  • Kanpoko atletismo pista

Aritzmendi frontoia (goizeko ordutegian lanegunetan)

Abantailak

  • Ermua Kirolak APPa, mota guztietako izapideak online egiteko. Instalazioetara sartzeko txartel birtuala du.
  • Mugiment Kirol Txartela lortzea, Euskal Autonomia Erkidegoko beste udalerri batzuetako kirol-zerbitzuak erabiltzeko aukera ematen duena.
  • Erreserban lehentasuna, zazpi egun eta ordu erdi lehenagotik.
  • Lehentasuna jardueren inskripzioan.
  • Kirol ikastaro eta kanpainetako kuoten murrizketak eta deskontuak.
  • Erreserbak telefonoz.
  • Hileko ordu finkoko erreserbak instalazioetan (frontoia, kirol anitzeko pista, futbol-zelaia, etab.).

Aurkeztu beharreko dokumentazioa

  • Abonuaren titularraren eta onuradunen indarreko NAN, AIZ edo pasaportea aurkeztea. Dokumentazio hori ez duten 14 urtetik beherako pertsonen kasuan, Familia Liburua erakutsi beharko dute.
  • Hala badagokio, desgaitasun-maila egiaztatzen duen ziurtagiria.
  • Familia-abonuetan bakarrik: familia-liburua, jaiotza-erregistroa eta/edo izatezko bikoteen erregistroaren ziurtagiria aurkeztea. Bizikidetza-unitatea osatzen duten pertsona guztiak Familia Liburuan edo Jaiotza Erregistroan agertzen ez direnean, baterako erroldatze-ziurtagiria kontsultatzeko baimena eman behar da.