Fibermua

Fibermua Ermuko Udalak Promosa (Ermuaren Ekonomi Sustapena S.A) udal enpresaren bitartez hedatutako komunikazio-sare ultra zabala da. Sarearen jabea aipaturiko enpresa da eta berak ustiatzen du. Etxera arteko (FTTH) zuntz optikoko sare neutro bat da, GPON teknologiarekin (Gigabit-capable Passive Optical Network), estandarra bere osagai guztietan eta teknologia eskalagarriak erabiltzen dituena, alegia, behar den tamainara erraz hazi eta moldatu daitekeena.

5 milioi euroko inbertsioa egin ondoren, Udalak abian jarri duen Zuntz Optikoko Sareak ondorengo lekuetan kokatutako 8.500 bat higiezin unitateri eskaintzen die hedadura:

• Ermua
  • Hirigune ia osoan
  • Urtia industrialdean
  • Areitio industrialdean
  • Ureta industrialdean
• Mallabia
  • Hirigunean
  • Urtia industrialdean
  • Goitondo industrialdean
• Eibar
  • Unibertsitatean

Sare honekin balio erantsi handiko zerbitzuak eskaini ahalko zaizkie hedadura-esparruan dauden hiritar eta enpresei.