Asteburuko kultur jarduerak

Udaberriaren etorrerarekin eta honek –orokorrean- lagun ekartzen duen eguraldiarekin, guztiok animatzen gara. Hori horrela, udaberri eta udan jarduerak nonahi aurki ditzakegu eta, batez ere, herrietako plaza eta kaleetan. Ekaineko bigarren asteburu honetan Ermuan horren adibide bat izanen dugu, San Antonio auzoan jaietan izango baita eta, horrez, gain dantza erakustaldia eta pintura lehiaketa izango baititugu. Herriko ‘Txindurri’ dantza eta txistu taldeak larunbat arratsaldean dantza erakustaldia eskainiko du Zineman, amaitzear dugun ikasturteari amaiera emanez. Ikuskizunean dantza ikasten ari diren ehunetik gora umek parte hartuko dute eta taldeko txistulariek ere bai. Emanaldia arratsaldeko zazpietan hasiko da eta Zinema hamabost minutu lehenago irekiko zaio ikuslegoari.