Gaur -Cincuentones- obra antzeztuko da

‘Fuegos Fatuos’ produkzio-etxeak Joan Casasen ‘Cincuentones’ obra ekarriko du gaur gauean Ermura. Antzezpena Zineman egingo da, gaueko 10etatik aurrera. Obrak frankismoaren azken urteetan unibertsitatean elkarrekin ibilitako hirukote lagun eta ikaskideen gorabeherak kontatzen ditu. Hirukote hori berriz ere protagonistek berrogeita hamar urte bete eta bizitzan nahiz lanean ibilbide ezberdinak jorratu dituztenean bilduko da. Hirukotea elkartzen den momentu hori berezia da guztientzat, aldaketa garaiak bizi baitituzte euren bizitzan. Obraren zuzendaria José Antonio Ortega da. Hirukoteko aktoreak, Janfri Topera, Paco Obregón eta Fernando Romo dira. Sarrerak leihatilan eros daitezke 8 eurotan.