Elikagaien eta produktuen bilketa, Saharako errefuxiatuei bidaltzeko

Mendebaldeko Saharar herriarekin elkartasunerako plataformak elikagaiak biltzeko kanpaina deitu du Ermuan, bildutakoa errefuxiatuen esparru eta kanpamenduetara bidaltzeko asmoz. Herriko plataformak datorren urtarrilaren 26ra bitartean oinarrizko elikagaiak bilduko ditu, BBK entitateak enpresentzako Zubiaurre kalean zituen bulegoetan. Kanpaina hau ‘Mendebaldeko Sahararen aldeko euskal karabana –‘piztu itxaropena’ izeneko ekimenean txertatzen da. Ekimenaren xedea bildutakoa Tindufeko (Aljeriaren hego-mendebaldeko lurraldean) errefuxiatuta daudenei bidaltzea da, haiek jasaten ari diren elikagai krisialdi eta eskariari aurre egiteko, makina bat gabezia pairatzen ari baita hornidurari dagokionez. Kanpainaren berri emateko eta herriari dei egiteko, informazio oharra jarri da herriko peora guztietan.

Horiek horrela, taldeko kide boluntarioek datorren urtarrilaren 26ra bitartean, hegaluzea oliotan (lakak), azukrea eta konpresak jasoko dituzte, aipatutako Zubiaurre kaleko lokalean. Produktuok goiz nahiz arratsaldez entregatu ahal izango dira, taldeak ezarri duen ordutegia ondokoa izanik: 10,30etatik 12,30etara goizean eta 18,00etatik 20,00etara arratsaldean.

Informazio oharra