Norberak etxean konposta egiteko kanpaina

Eskualdeko Debabarrena mankomunitateak kanpaina berri bati hasiera emango dio, nahi duten eskualdeko herritarrek etxean kospostajea (ongarri naturala) egin dezaten. Ekimena etxean zonalde berdea, lorategia edo ortua dutenentzat da. Horiek konpostajea prestatu ahal izango dute etxean sortutako hondakin organikoetan oinarrituz. Horretarako erabiliko duten generoa, batez ere, kozinatu gabeko gaiak eta landareak erabiliko dituztelarik. Ekimenak Gipuzkoako Foru Aldundiaren laguntza jasoko du.

Kanpainarekin bat egin eta izena ematen dutenek konposta nola egin eta erabili beharreko tresneriaren inguruan trebatzeko ikastaroa edukiko dute. Eskuliburua eta konposta egiteko ontzia jasoko dute dohainik. Halaber, aholkularitza eta kontsultak egin ahal izango dituzte urte betez. Izena eman nahi duten herritarrek udalera (943 17 91 46 telefonora) edo Debabarrenera (943 70 07 99telefonora) deitu beharko dute. Eman beharreko datuak ondokoak dira: izen-abizenak, helbidea, eta harremanetarako telefono zenbakia. Azken eguna, maiatzaren 19a izango da.