1966. urtean jaiotakoen bazkari jendetsua

1966. urtean jaiotako 111 ermuarrek azken aste buruan elkartu ziren elkarrekin bazkaltzeko eta aurten berrogei urte beteko dituztela ospatzeko. Bazkaria Hambreko Eguzki Alde jatetxean egin zen, jai giro oso jatorrean. Bazkariak aukera eman zien askori aspaldidanik elkar ikusten ez zuten lagun eta ikaskideak agurtu ahal izateko. Bazkalondoan musika eta dantzaldia egon zen eta bildutako talde handia arratsaldetik goizaldera bitartean elkarrekin ibili zen Ermuko tabernatan. Eguna ‘beroa eta oso atsegina’ suertatu zen. Antolatzaileek oso ondo prestatu zuten guztia, bikain atera baitzen. Herriko Santos Vega argazkilariak atera eta utzi digun argazkian taldea ikus daiteke jantokira sartu aurretik. Hurrengora arte!