Gaur ospatuko Inauterietako egun nagusia

Ermuak inauterietako egun nagusia biziko du gaur. Asteartea izan ohi da gurean egunik herrikoiena. Ikasleek egun berezia izango dute, ikastetxetan bertan eskolako eta jai-eguneko jarduerak uztartuz. Ikastetxeetan arratsaldean jai izango dute, festa giroaz bete-beterik gozatzeko, eguraldiak larunbatean ez bezala laguntzen badu behintzat. Herriko ikastetxeek bihar jai eguna izango dute ez baita eskolarik izango, festan ibilitako guztiek atseden har dezaten.

Egunari musikaz ekin zaio, herriko Merkatari eta Ostalarien Elkartean (ACHEn) bilduta dauden guztien artetik, talde bat kalejiran irten baita goizean goiz. Taldea haurren arropaz jantzita atera da, eskolara joaten ziren gaietan bezala.

Inauteri astearteko egitaraua

Musika Ordua: 8:30etan. Tokia: herriko kaleetan zehar Merkatari eta Ostalarien Elkarteko taldeak kalejira egingo du.
Haurrentzako diskoteka Ordua: 16:00etan. Tokia: Orbe Kardinalaren plazan.
Kale-antzerkia Ordua: 19:00etan. Tokia: Orbe Kardinalaren plazan "La gran familia", Fadunito taldearen eskutik.
Dantzaldia Ordua: 22:30etan. Tokia: Orbe Kardinalaren plazan ‘Xanadú’ orkestrarekin.