Igandean, meza San Pelaioko kaperan

Igandean meza emango da San Pelaioko kaperan, patroiaren omenez. Auzoko jaiak irailera arte atzeratu diren arren, domekan meza emango da goizeko 11etan. Herriko parrokia arduratuko da meza antolatu eta koordinatzeaz eta horretarako abadea ere ekarriko du. Esan bezala, meza goizeko 11etan emango da eta bergarako Jose Luis izena duen abadea etorriko da eginkizun horretarako.

Elizkizun hori antolatzeko lanetan parrokia, jai-batzordea eta udala dabiltza elkarlanean. Hori horrela, udal honek audioko ekipoa, argindarra eta egurrezko jarlekuak utziko ditu, bertaratzen direnek -batez ere, edadetuek eta nagusiek- erosoago jarraitu dezaten ofizioa. Udal hirigintza alorrak datorren astebururako auzoko obrak bukatuak egongo direla hitz eman dio jai-batzordeari, batez ere, kapera, aurreko urbanizazioa eta asfaltatua.

Asteburuko programa ondorengoa izango da:

Ekainak 30, larunbata

• 12:00etan: Lore eskaintza santuari.

Uztailak 1, igandea

• 11:00etan: Meza herrikoia kalean, San Pelaioren omenez.
• Santiago Apostoluko abesbatzak kantatu egingo du.
• Meza bukatu eta gero papera eta santuaren ontzia zabalik utziko dira.
• San Pelaioren estanpak salduko dira.
• Amaitu aurretik pintxoak banatuko zaizkie bertatutakoei.