Zineman ‘Harry Potter’en azken filma proiektatuko da

Zine komertzialeko emanaldien barne aste buru honetan Zineman ‘Harry Potter y la orden del Fénix ’ filma proiektatuko da. Filma adin guztientzat da aproposa. Abentura, fantasia eta magoei buruzko lana da. Larunbata eta igandean bina saio emango dira. Larunbatekoak iluntzeko 8etan eta gaueko hamar eta erdietan izango dira. Igandean berriz, arratsaldeko bostetan (haurrentzat) eta iluntzeko zortzietan. Astelehenean emanaldi bakarra egingo da, gaueko hamarretan. Sarrerak haurrentzat bi euro balio du (arratsaldeko 5etako saioan) eta gainerako guztiak 3,95 euro (helduentzat).