Kanpingags taldeak

Kanpingags taldeak “Lapur Zuloa” antzezlana Zinemara Dakar gaur. Antzezpena gaueko hamarrak eta laurdenetan izango da. Sarrerak 8 euro balio du. Ikuskizuna udal kultura sailak antolatu du eta San Martin kulturalean barne txertatzen da. Obran aurpegi ezagun ugari hartzen du parte, askok Euskal telebistako sailetan parte hartzen duten aktoreak baitira. Aktoreak ondokoak dira: Asier Hormaza, Kontxu Odriozola, Ainhoa Aierbe, Joseba Apaolaza, Itziar Tuño, Kandido Uranga eta Asier Sota. Sarrerak takilan, erosi ahal izango dira.

Sinopsia

Komedia beltza eta samurra. Garratza eta atsegina. Obsesioak jotako lau pertsonaiaren bizitzak gurutzatzen dira. Mota guztietako terapiak probatu dituzte: jateari uzteko, erretzeari uzteko, lapurtzeari uzteko… Eta arazo horiek burutik kendu ezinik dabiltza guztiak.

Halako batean, lapurreta erraza egiteko aukera agertzen zaie, eta terapia guztiak ahaztuta, anbizioak itsuturik, prest daude laurak lapurreta elkarrekin egiteko, horrek behin betiko erretiratuko dituelakoan. Dirua bai terapia ederra!

Lapurretako dirua, ordea, Mafiarena da. Mafiak bizkor harrapatzen ditu gure pertsonaiak eta lauretako baten heriotza eskatzen du. Horrek gogoeta egitera daramatza: zer galduko luke munduak bakoitzaren heriotzarekin? Hala une batez seriotasun-printzez betetzen da lapur-zuloa; baina luze gabe umorezko haize-boladak amaiera samur eta dibertigarria ematen dio abenturari.