Gorakada taldeak haurrentzako muntaia ekarriko bihar

Gorakada taldeak ipuinak eta txotxongiloak uztartzen dituen muntaia ekarriko digu bihar Ermura. Ikuskizuna Lobiano Kultur Gunean egingo da, arratsaldeko bost eta erdietatik aurrera. Emanaldiak ‘Titirikontuak’ titulua du eta Euskara hutsean gauzatuko da. Jarduera udal kultura sailak udazkenerako antolatu duen ‘Udazkenean, antzerkiaz blai’ programazioaren barne txertatuta dago. Sarrerak bi euro balio du.

Ipuinak, besterik ez. Ipuin politenak eta txotxongiloak. Txotxongilo harrigarriak hobeto ulertu eta imajinatu ahal izateko. Hori baino ez, baino hori dena da guztia. Saioa adin guztientzat irekia dagoen arren, oso aproposa da txikienentzat.