Kokein rock taldeak kontzertua emango du gaur gauean Valdespina parkean

Kokein rock taldeak kontzertua emango du gaur gatean, Ermuko Valdespina Markesaren parkean. Emanaldia gaueko hamarrak eta erdietan hasiko da, Ekitaldia jai egitarauaren barne dago eta herriko Euskal Birusa elkarteak antolatu du, Topagunea elkartearen bidez. Taldea une honetan bost kidek osatzen dute, Jatsu, Txitxes, Zaloa eta Lete eibartarrak eta Iker Sainz de Zaitegi gitarra ermuarrak. Taldeak orain gutxi zuzeneko emanaldiak berreskuratu ditu eta gaurkoan bere errepertorioko abestiak joko dituen arren, batez ere bere azken lanekoak, “Mundu margotu berria” deritzan diskokoak, kantatu eta joko ditu.