Perurena aita-semeak, Santiagoko herri kirol erakustaldian izango bihar

Leitzako Perurena kirolari ospetsuak, aita eta semea, Ermura etorriko zaizkigu bihar, Santiagoko herri kirol erakustaldian parte hartzera. Aita gure artean bizirik eta osasuntsu dugun legenda da eta semea, berriz, etorkizunean aitaren besteko kirolari on eta handia izan nahi duen gaztea. Erakustaldia herriko Orbe Kardinalaren plazan izango da eguerdiko hamabi eta erdietatik aurrera. Erakustaldi horretan harri-jasotze saioak ez ezik herri kiroletako beste hainbat modalitate ikusteko parada ere izanen da. Bertan, harri-jasotzaileez gain, aizkolariak, pultsularia eta fardo, ingude eta gurdi jasotzailearenak ere izango ditugu. Prestatutako erakustaldi horretan modalitate ezberdinetako kirolarik puntakoenak daude, beraz aukeraz baliatu eta gozatu dezagun. Gainera, kirolariek egiten duten lanaren berri zehatza eta azalpenak jaso ahal izateko, bertan izango da Arrate Irratiko esatari ezaguna, Ziriako Ortiz de Zarate ermuarra. Esan dezala, zer ikusi eta zer entzun bihar izango dugu, herriko plazan, eguerdiko hamabi eta erdietan.

Prestatutako erakustaldiaren kartela ondokoa da:

• Harri-jasotzaileak: Iñaki Perurena, Inaxio Perurena eta Agustín Landarbide.
• Aizkolariak: Atutxa, Gisasola, Ezpeleta (Bihurri) eta Muguertza.
• Pultsularia: Barinaga.
• Fardo, ingude eta gurdi jasotzailea: Zelailuze.