Ermuko Udalbatzak atentatua gaitzetsi eta manifestazioa deitu du

Ermuko Udaleko Bozemaileen Batzordeak gaur arratsaldeko atentatua gaitzetsi eta herritarrei dei egin die bihar antolatutako kontzentrazioetan eta manifestazioan parte har dezaten. Bozemaileek premiazko izaeraz hitz egin dute gaur arratsean, Ignacio Uria Mendizabal enpresari azpeitiarraren erailketaren ondorioz. Udalbatza eratzen duten alderdietako bozemaileak atentatu hori gaitzetsi dute eta “terrorismoaren gaitza behin betikoz ezabatzeko lanean jarraitzeko erakundearen konpromisoa sendo mantentzen dutela” adierazi.

PSE-EE-PSOE, PP, PNV eta EB-Berdeak taldeek bihar goizean bilduko dira testu bat adostu eta zabaltzeko, eta udaletxe aurrean hamabost minutuko agerraldia egiteko.