Zine-klubak -El sabor de la sandia- filma proiektatuko

Mudo-Drogot Zinematografo elkarteak erotismoari dedikaturikko emanaldiekin aurrera jarraituko du. Bihar “El sabor de la sandia” proiektatuko da. Emanaldia, Lobiano Kultur gunean, gaueko bederatzi eta erdietatik aurrera egingo da. Filma taiwandarra eta frantsesa da, 2005. urtean aurkeztu zen eta Tsai Ming-liang-ek zuzendu du. Zinta erotismoaren eta musikalen generoan txertatzen da. Aktoreetariko batzuk, besteak beste, ondorengoak dira: Lu Yi-ching, Yang Kuei-mei, Yoza-kura Sumomo, Hsiao Huan-wen eta Lin Hui-xun. Emanaldia librea da eta ez da sarrerarik kobratzen.

Sinopsia

Ur eskasia gogorra dagoen unean, telebista jo eta su ari dira ura aurrezteko teknikak irakasteko asmoz. Uraren ordez, sandia zukua edatea proposatzen dute. Nolanahi ere, bakoitzak bere konponbideak bilatzen ditu ura izan eta erabili ahal izateko. Shiang-chyik hutsik dauden ur botilak komun publikoetan ezkutuan betetzen ditu. Hsiao-kang aktore pornografikoak teilatuetara igotzen da ur deposituetatik hartzen duen uretan bainatzeko. Horrela bizitzea gogorra da, baina bakardadea are gogorragoa. Egun batean, Shiang-chyik sandia bat aurkitzen du eta ondoren Hsiao-kangekin topo egiten du parke batean. Neskak hura ezagutzen duela gogoratzen du, behin hari erloju bat erosi baitzion. Mutila egun, aktore pornografikoa da. Elkartu eta maitemindu egingo dira. Bi hodeik bat egitean, zein forma hartzen ote dute? Erantzuna, filmak emango digu..