Gastronomia eta artisautzako produktuen azoka Ermuan da

Ermuan gastronomia eta artisautzako produktuen azoka izen dugu asteburu honetan. Jarduera gaur hasi da igandean bukatuko. Merkatuak hogei postu ditu eta horiek Orbe Kardinalaren plazan jarrita daude. Azoka goiz eta arratsaldez dago irekita 11etatik ordu 2 eta erdietara eta bostetatik gaueko hamarretara bitartean. Gastronomia eta artisautzako postuez gain, tea edota olagarroa eta edariak hartzeko leku bi ere badaude. Azoka hau Sestaoko “Montajes y Servicios JC 2000 S.Mak” antolatu du. Enpresak azoka modu ibiltarian darabil leku batetik bestera eta, jada, Eibar, Elgoibar, Zumaia, Deba eta Mutrikutik pasa da. Ermutik Gasteizerantz abiatuko da.

Artisautzako postuetan produktuen aukera zabala da: egurrezko tailak, larruzkoak, imitaziozko bitxiak, Indiako arropak, olibondoaz egindako tresnak eta produktuak, haziekin egindako bitxiak eta abar luze bat. Gastronomia eta jakietakoetan, aldiz, Nafarroako, Errioxako, Kantabriako, nahiz Gaztela-Leoneko produktuak daude. Hestebeteak, gazta, bakailao sikua, hegaluzea oliotan, ardoa, kontserbak, eta abar. Horiekin batera, ogia, pastel eta gozkiak ere badaude. Horiekin guztiekin batera, sartainak, eskularru ekologikoa eta aloez eginiko produktuak eta zuzeneko erakustaldiak. On egin!