Inauteria Aritzmendin ospatuko da gaur, klimatologiaren eraginez

Eguneko klimatologia ikusita, Inauterietako egitaraua gaurkoan Aritzmendi pilotalekuan gauzatuko da, udal kultura saileko bozemaileak aditzera eman duenez. Gaur ‘Eguen Zuri’ izanik, inauteriari hasiera eman behar genion Ermuan, herriko ikastetxeek arratsalderako antolatu eta koordinatzen duten programa gauzatzeko. Baina, ‘Eguen zuri’ egunak zuri-zuri argitu duela-eta, goizean inguruko mendiek eta kotxeek elurturik agertu baitzaizkigu, egitaraua plazan gauzatu ordez, Aritzmendi pilotaleku estalira aldatzea erabaki da., Euskal Meteorologi Agentziak, Euskalmetek, emandako iragarpenak bete betean asmatu du, aurreratzen zizkigun tenperatura hotzak eta elurra 100-200 metrotan baitaukagu. Goizean zehar, elurra eta kazkabarra bota ditu hainbatean, kalean ere zurituz eta estaliz.

Nolanahi ere, programa mantendu egingo da. Jarduerak ondokoak dira:

EGITARAUA

• Otsailak 11, osteguna. Eguen zuri
  • 15:00etan: Oilarraren jokoa
  • 17:00etan: Haurrentzako diskoteka
• Otsailak 12, ostirala. Hartza eguna
  • 18:00etan: Kalejira C.Orbe Plazatik