Alba Sarrauteren konpainiak ‘Mirando a Youkali’ obra antzeztuko Lobianon

Alba Sarrauteren konpainiak ‘Mirando a Youkali’ obra antzeztuko du bihar Lobiano Kultur Gunean, gaueko hamarrak eta laurdenetan hasita. Ikuskizuna udal kultura sailak antolatu du eta Emakumearen Nazioarteko (martxoaren 8ko) egitarauaren barne txertatzen da. Sarrerak 5 euro balio du eta udal kultura saileko bulegoetan erosi daiteke biharko arratsaldeko 3ak arte edo, osterantzean, sarreran bertan. Ikuskizuna barietate tragikomiko gisa planteatzen da eta hirurogei minutu irauten ditu.

Sinopsia

Arimari umorez eta zirkuaren estiloaz begiratzen dioen ikuskizuna da, kabareta eta womanshow-ren arteko, poetikotasun eta komikotasunaren artean dagoena, gizakion bizitzaren zentzu sakonaren irakurketa egiten duena, nahiz eta galderak ez dituen erantzuten.

Gizartearen zama gainean izanik eta porrot egitearen beldurrez bizitzea, inozentzia eta askatasuna galtzea. Heriotzaren beldur, heriotzaren zalantzaz, norbere buruarekiko; gizakiarekiko zalantzaz bizitzea. Birjinatasun organikoaren bilaketa, garapenaren onarpena. Mirando a Youkali ikuskizun femeninoa da, arima umorez eta zirkuko pailazoaz bizkortzen duena. Pailazoak musikalen eta kabaretaren teknikak uztartzen ditu, Koltés, Baricco, Saint-Exupéry, Miguel Hernández, Rousseau, Brecht... eta beste autoreen testuak hezurmamitzeko.