Txalo Produkzioak ‘Arrastoa’ obra antzeztuko Lobianon

Txalo Produkzioak ‘Arrastoa’ obra antzeztuko du bihar Lobiano Kultur Gunean, gaueko hamarrak eta laurdenetan hasita. Antzezpena Begoña Bilbaok zuzentzen du eta euskaraz izango da. Obra intrigadun polizia-komedia bat da, Anthony Shafferrek idatzitako eleberrian oinarritzen dena. Taulara aterako diren aktoreak hiru dira: Ramón Agirre, Juan Garai eta Asier Hormaza. Ikuskizuna udal kultura sailak antolatu du eta lehen lau hileko egitarauaren barne txertatzen da. Sarrerak 5 euro balio du eta udal kultura saileko bulegoetan eros daiteke gaur arratsaldeko 3ak arte edo, osterantzean, bihar sarreran bertan.

Sinopsia

Andrew Wyke intrigazko nobelagile ospetsua da. Jokozale amorratua, munduko txoko guztietatik ekarritako jokoz betea du etxea. Egun batean, Milo Tindlek bisita egingo dio. Tindle italiar jatorriko gizon gaztea da, bidai agentzia baten jabea. Elkarrekin solasean eta tragoxka bat edaten ari direla, Andrewk plan bat proposatuko dio Milori: ustez biak irabazle irtengo diren joko arriskutsu bat. Erremediorik gabe harrapatuko zaituen intriga.